[Officium]
S. Rochi Confessoris

[Rank]
;;Duplex;;3;;vide C5-1

[Rule]
vide C5-1
9 lectiones
In 3 Nocturno lectiones ex Commune in 2 loco

[Name]
Rochi

[Oratio]
Pópulum tuum, quǽsumus Dómine, continua pietáte custódi: et beáti Rochi suffragántibus méritis, ab omni fac ánimæ et córporis contagióne secúrum. 
$Per Dominum

[Lectio4]
Rochus, in monte Pessulano natus, quanta in próximum caritáte flagráret, tum máxime osténdit, cum, sævissima peste longe latéque per Itáliam grassánte, pátria relícta, Italicam peregrinatiónem suscépit, urbesque et óppida peragrans, seípsum in segrotantium obséquium impendere, animamque suam pro frátribus pónere non dubitávit. Quod beáti viri stúdium quam gratum Deo fúerit, miris sanationibus declaratum est. Complúres enim pestiléntia infectos e mortis perículo signo crucis erípuit, et integræ sanitáti restítuit. In pátriam revérsus, virtútibus et méritis dives. sanctíssime óbiit, ejúsque óbitum statim subsecúta est venerátio fidélium, quæ in Constantiensi deínde concílio magnum recepísse dícitur increméntum, cum ad propulsandam ingruentem luem Roclii imágo solémni pompa, omni comitante pópulo, per eámdem civitátem, epíscopis approbantibus, est deláta. Ítaque ejus cultus mirífice propagátus est in univérso terrárum orbe, qui eúmdem sibi apudDeum advérsus contagiósam luem patrónum religioso stúdio adoptavit. Quibus accuráte perpensis, Urbánus octávus Póntifex IV Laximus, ut ejus dies festus iis in locis, in quibus forent ecclésiæ sancti Roclii nómine Deo dicatæ, Offício ecclesiástico celebraretur, indúlsit.

[Lectio5]
Ex Tractatu sancti Augustíni Epíscopi in Epístolam Joánnis.
!Tract. 5. in cap. 3.
Perfécta ista cáritas est, ut parátus sis moripro fratre. Hanc ipse Dóminus in se exhíbuit mórtuus pro ómnibus, orans pro eis a quibus crucifigebatur, et dicens: Pater ignosce illis, quia ndsciunt quid fáciunt: sed si solus hoc fecit, non erat Magíster, si discípulos non habébat. Si quis tantam habúerit caritátem, ut parátus sit pro frátribus étiam mori, perfécta est in illo cáritas. Sed numquid mox, ut náscitur, jam prorsus perfécta est? Ut perficiatur náscitur, cum fúerit nata nutritur, cum fúerit nutrita corroboratur, cum fúerit roborata perficitur, cum ad perfectiónem vénerit quid dicit? Mihi vívere Christus est, et mori lucrum: optabam dissolvi, et esse cum Christo: multo enim magis optimum, manére in carne necessárium propter vos. Propter eos volébat vívere, pro quibus parátus erat mori.

[Lectio6]
Hæc est perfectio caritátis, major omníno non potest inveniri: sed quia non in ómnibus perfécta est, et desperare non debet in quo perfécta non est, si jam nata est quæ perficiatur; et litique si nata est, nutrienda est, et quibúsdam suis nutrimentis ad perfectiónem prdpriam perducénda. Quæsivimus inchoationem caritátis unde incipiat, et ibi contínuo invenimus: Si quis habet facultátes mundi, et víderit fratrem suum egentem, et cláuserit víscera sua advérsus eum, quómodo dilectio Patris manet in illo? Ergo hinc íncipit ista cáritas, fratres, ut de suis superfluis tríbuat egenti in angústiis alíquibus constituto, ex eo quod sibi abundat secúndum tempus, a tribulatióne temporali líberet fratrem: hinc exordium est caritátis. Hanc ita cœptam, si verbo Dei et spe futúræ vitæ nutrieris, pervenies ad illam perfectiónem, ut parátus sis ánimam tuam pónere pro frátribus tuis.
